أريد رئى الجميع

طبعا البكاء
عند حدوث اى حاله حزن او.مصيبه او...................الخ
يكون البكاء هنا افضل للانسان عن الخروج او الانعزال فى غرفه مظلمه
ممكن لو خرج من المنزل وهومهموم ممكن يحصل حاجه بره لو قعد فى غرفه مظلمه ممكن يمرض ويكون فى الاخر مهموم واكنو معملش حاجه
بعد البكاء يبدا فى الهدؤ والراحه النفسيه وممكن يرمى نفسه فى احضان حد بيحبه ويبدا يحكى له لان الكلام هنا مفيد جدا
وعمر مكان البكاء جبن او عجز البكاء فرج من عند ربنا بس لللاسف طبع الرجل الشرقى طبع رخم شويه لانه بيفتكر ان لو بكا او فضفض لزوجته ان هو خلاص مبقاش راجل ولا عنتر زمانه
انا راى بكاء ثم البكاء ثم البكاء
الموضوع جميل تسلم عليه
تحياتى لك

ايه الحزن ده يا عم

الواحد لما يزعل أحسن له يخرج يشم شويه هوا وميكلمش حدده رأيي
بانتظار رأي باقي الأعضاء

اقتباس :

بس لللاسف طبع الرجل الشرقى طبع رخم شويه لانه بيفتكر ان لو بكا او فضفض لزوجته ان هو خلاص مبقاش راجل ولا عنتر زمانه

أنا موافق على الحتة دي بس بردو الست بتفتكر انها لو بكت مش هتبقا عبلة زمانها
هيا بتبكي ساعات بس مش بتفضفض لجوزها
ههههههههههه

ومشكووووووووور على الموضوع الرائع

البكاء في رايي شئ طبيعي جدا
والانسان لما تصيبة نكبة يكون البكاء الحل الاول في القائمة
ولكن اناشايف ان الحل الامثل هو الهروب من الحزن
وليس الهروب من المصيبة
فللانسان رد فعل طبيعي وسريع ضد الحزن ورد الفعل دة بيجي من ثغرة
وبنلاقيها كتير يعنى اما واحد يكون زعلان وبيعيط وواحد جنبه قال حاجة تضحك تلاقيه على طول ضحك
فكل انسان عند الحزن لازم يدور على هذه الثغرة .........................

أنا في رأي أن البكاء عمرة مكان حل لأي مشكلة بس البكاء صفة طبعية في الإنسان
ده حتي النبي عليه الصلاة والسلام لما أبنه إبراهيم مات بكي علية
ومش عيب إن الإنسان يعيط بس غلط أنه يأضي حياته كلها بكاء الحياة حلة بردو
ومشكوووور يا مان علي الموضوع الحلو دة

رايى .............. عمر ما كان البكاء ضعف ولا عجز ولكنه وسيله للتخفيف عن النفس
واذا كان الانسان حزين الافضل انه يحكى لاقرب الناس ليه لانه كدا بيروح عن نفسه حتى لو متحلتش المشكله المهم انه فى الحاله دى ارتاح وبالتالى هيقدر يحلها بعد كدا
اما اذا كان مبيحبش الكلام مع حد فالافضل انه يخرج شويه ويقعد مع نفسه شويه

شكراا لكم جميعاا